Էմիլի Դիքինսոն | Բանաստեղծություններ

Ես ունեի մի ոսկե գինեա,

Բայց կորցրի այն

Ավազների մեջ:

Եվ թեպետ ամենուր

Ընկած են գետնին փաունդներ,

Ես դրանք գետնից չվերցրի:

Իմ տնտեսող աչքին

Դա էլ քիչ չէր երևում,

Եվ ամեն անգամ գինեա գտնելիս

Ես նստում էի ու հոգոց հանում:

Մի արտույտ ունեի,

Կարմազինե թռչուն,

Որ երգում էր ինձ լուսաբացին,

Ողջ օրը, իսկ հետո՝ գիշերով,

Բայց հենց որ անտառը կորցրեց իր սաղարթը,

Թռչունը հեռացավ:

Կգան ուրիշ թռչուններ,

Նրանց երգերը, իհարկե, նույնն են,

Բայց հեռացած ընկերոջ համար

Ես ունեմ մի թռչնաբույն:

Երկնքում է իմ աստղը,

Այն կոչվում է Պլեյադ,

Երբ քայլում եմ միայնակ,

Այն միշտ կողքիս է:

Թող որ երկնքում աստղաբույլեր են,

Եվ երկինքը ողջ վառվում է,

Ինձ հուզում է միայն մեկը,

Միայն մեկն է հարազատը:

Ի՞նչ կցուցանե այս երգս:

Ես ունեի երեք ընկեր,

Մեկին կոչեցի Պլեյադ,

Մեկն այն թռչունն է, որ շտապեց հարավ,

Իսկ երրորդը ավազների գինեան:

Լոկ այս երգը կհաղորդի ընկերներիս,

Որ թախծում է իմ հոգին:

Չի լինի նրանց տեղ ու դադար,

Մինչև որ չգտնեն

Իմ այս ավազի մեջ արեգակ:

Ամեն բան կորցրել եմ կրկնակի

Մահվան մահճի մոտ,

Եվ որպես կրկնակի չքավոր

Կանգնել եմ Աստծո դռան առաջ:

Եվ կրկնակի անկյալ հրեշտակը

Լրացնում է կորսուստներս:

Հա՛յր, բանկի՛ր, ավազա՛կ,

Ես նորից դռան առաջ եմ:

Վերին Հա՛յր,

Հոգ տար մկան մասին,

Որ կատվի թաթերի մեջ է:

Գտիր նրա համար ապաստան, Հայր:

Քո բուֆետում թույլ տուր

Գիշերն անցկացնել,

Մինչև որ Ոլորտները

Հեռու գլորվեն:

Որոշ բաներ թռչում են,

Բայց դրանք թռչուններ ու մեղուներ են,

Եվ այս էլեգիայից չեն:

Որոշ բաներ կանգնած են, դրանք

Վիշտ, բլուրներ, կրակներ են,

Եվ նման չեն դրան:

Դա խաղաղ շարժվում է հեռվից,

Ինչպե՞ս կոչել այն՝ Ա՞մպ:

Պարզ է հանելուկը:

Թարգմանությունը՝ Ա. Վարդանյան

***

Խղճմտանքին օտար է, ինչպես բողոք,

ինչպես մեխ՝ խուլ է բառերի առաջ,

սառն է՝ ասես առևտրական եմ,

որ ոսկոր է ծախում ամենքին:

Պատմության պես օտար է ժամանակին,

մոտ է մեզ՝

ինպես ծիածանի շարֆը՝ երեխային,

ինչպես դամբանի մեջ՝ փակ աչքեր:

Դեղին խազեր մայրամուտի…

Չի շարժվի պարուհին,

երբ ծաղիկների Հայտնությունը

ցնցի կրակները թիթեռի:

Թարգմանությունը՝ Ա. Հարությունյան

Տես նաև Թ. Ս. Էլիոթ Բանաստեղծություններ, Դիլան Թոմաս Բանաստեղծություններ և Պոլ Կլոդել Բանաստեղծություններ

Էմիլի Դիքինսոն | Բանաստեղծություններ

Բաժիններ

Ամենադիտված նյութեր

Լույս է տեսել

Գրիգոր Պըլտեան | Ամերիքա