Վահէ Օշական | Կայաններ

Օշական Վահէ, Կայաններ – Եր.: Սարգիս Խաչենց, ՓՐԻՆԹԻՆՖՈ, 2017 - 460 էջ:

Աշխատասիրութեամբ ԳՐԻԳՈՐ ՊԸԼՏԵԱՆԻ

ԿԱՅԱՆՆԵՐ խորագրին տակ Ars Poetica շարքի սոյն հատորը կը ներկայացնէ բանաստեղծ Վահէ Օշականի (1922-2000) քերթուածներու հատընտիրը: Գրագէտի հատորներէն ընտրուած են զանազան էջեր, Քաղաք ժողովածուն սակայն տրուած է ամբողջութեամբ:

Գիրքը կը բացուի Վ. Օշականի «Գրական հռչակագիր»ով: Այս անհատական հանգանակը իր պատմական ընդհանուր ներկայացումէն անդին՝ ենթակայական կէտեր կը նշէ, որոնք լոյս կը սփռեն բանաստեղծի ամբողջ արտադրութեան վրայ: «Յաւելուած» բաժնին մէջ զետեղուած են այն երկու ինքնադատութեան փորձերը ուր հեղինակը կը քննէ իր իսկ գործերը: