Դու մի՛շտ ինձ համար եղել ես կյանքում,
Մի՜շտ, թեկուզ հաճախ ուրիշի տեսքով-
Այսօր աղմըկոտ այս մեծ քաղաքում,
Երեկ՝ հեռավոր ինչ-որ գյուղակում՝
Աչքերիդ պես բիլ երկնքի ներքո:
Ես հենց քեզ հետ եմ խաղացել «տուն-տուն»
Ու դղյակ շինել կավից ու քարից:
Քեզնով է լցված մի մե՜ծ մանկություն,
Երազներով լի մի պատանությո՛ւն
Եվ ջահելությո՛ւն մի փոթորկալից:
Տասնյա՜կ անուն ես ունեցել կյանքում,
Տասնյա՜կ ձևերով կանգնել ես իմ դեմ
Եվ միշտ ներշնչել այն սերը մաքուր,
Որ և իր տասնյակ էսքիզներն արդեն
Քո պատկերով է այսօր ավարտել:
VII.1953թ.
Նավչալու
Տես նաև պարույր Սևակ Բանաստեղծություններ
Պարույր Սևակ | Նախերգանքի փոխարեն 
Reviewed by ՏԱՐԸՆԹԵՐՑՈՒՄ on мая 19, 2018 Rating:
Reviewed by ՏԱՐԸՆԹԵՐՑՈՒՄ on мая 19, 2018 Rating:
