Պարույր Սևակ | Գթության քույրեր


         Ցանկություններից,
         Որ կոչվում են իղձ,
                  Բաղձանք,
                  Ու անուրջ,
                  Երազ
                  Ու փափագ,-
Ցանկություններից մահացու խոցվել,
Վիրավորվել եմ ես քանի՜ անգամ:
Վիրավորվել եմ ես քանի՜ անգամ
Եվ բուժման տարվել մի հիվանդանոց,
Որտեղ գթության քույր է դարձել ինձ
Ճերմակ խալաթով Դատողությունը...

          Ա՜խ, այդ գթության քույրերը...
                  Նրանց
Երախտապարտ եմ իմ ամբողջ հոգով,
Իմ ամբո՜ղջ սրտով հարգում եմ նրանց,
Բայց, ավա՜ղ, երբեք սիրել չեմ կարող,
Եթե մինչևիսկ շատ են գեղեցիկ...

[1959թ.]

Պարույր Սևակ Բանաստեղծություններ
Պարույր Սևակ | Գթության քույրեր Պարույր Սևակ | Գթության քույրեր Reviewed by ՏԱՐԸՆԹԵՐՑՈՒՄ on февраля 05, 2018 Rating: 5
Технологии Blogger.