Ես քնիս մեջ տխուր էի,
Այնքա՛ն տխուր,
Այնպե՛ս տխուր,
Որ արթնացա վեր ցատկելով
Ու... լաց լինել սկսեցի,
Հավատացե՛ք, սկսեցի՜...
Դարի չափ ձիգ ժամ է անցել:
Ես այլևս, վաղո՜ւց արդեն, լաց չեմ լինում,
Բայց դեռ տխուր, դեռ տխուր եմ,
Այնպե՛ս տխուր,
Այնքա՛ն տխուր,
Որ ավելի լավ կլիներ,
Եթե նորից ես լաց լինել կարենայի:
19.III.1964թ.
Դիլիջան
Տես նաև Պարույր Սևակ Բանաստեղծություններ
Պարույր Սևակ | Եղելություն, որ լավ կլինի, եթե այլևս չլինի 
Reviewed by ՏԱՐԸՆԹԵՐՑՈՒՄ on марта 15, 2018 Rating:
Reviewed by ՏԱՐԸՆԹԵՐՑՈՒՄ on марта 15, 2018 Rating:
