Պարույր Սևակ | Հիմն քարանձավի

Մենք դուրս ենք եկել մութ քարանձավից
Միլիո՛ն ու միլիո՛ն տարիներ առաջ:
Մենք դուրս ենք գալիս նո՛ւյն քարանձավից
Ամե՜ն ակնթարթ:
 
Նո՛ւյն քարանձավն է մեզ հետապնդում
Մեր ներսի՜ց արդեն:
 
Ու մեր երգածի կեսից ավելին
Նո՛ւյն քարանձավի արձագանքն է հենց:
 
Մնացած կեսով մենք հիմնն ենք երգում
Նո՛ւյն քարանձավի՝
 
Անեծքանման խոսքերով այն կույր,
Որոնց իմաստն ենք հասկանում այնքան,
 
Որքան պառավը՝ իր հմայական խառնակ խոսքերը,
Որքան երեխան՝ իր խառնիճաղանջ շուտասելուկը...


11.XI.1965թ.

Չանախչի


Տես նաև Պարույր Սևակ Բանաստեղծություններ
Պարույր Սևակ | Հիմն քարանձավի Պարույր Սևակ | Հիմն քարանձավի Reviewed by ՏԱՐԸՆԹԵՐՑՈՒՄ on сентября 05, 2019 Rating: 5
Технологии Blogger.