Մկրտիչ Պեշիկթաշլյան «Գնացէ´ք, իմ տաղք»



Գնացե´ք իմ, իմ տաղք, ոչ թէ յեթեր
Ուր շող եւ փայլ եւ հով ժպտին,
Եւ ուր զուարթնոյն վարսք լուսահեր
Զալ ծալ ի ճեմս իւր ծածանին:

Գնացէ´ք, իմ տաղք, ոչ ի կամար,
Ուր լուսափթիթ ծաղկունք երկնից,
Իբր ըզդրասանգ ականց գոհար
Կախեալ ցոլան յոլորս փնջից:

Գնացէ´ք, իմ տաղք, ոչ թէ ի ծոց
 Զարմանահրաշ սիրոյ բնության,
Որ ի հաւիւն ի հուր 'ւ ի բոց
Վառէ, գրկէ, տածէ զհամայն:

Գնացէ´ք, իմ տաղք, ոչ ի պարերգ
Օդաթըռիչ այն Սիլֆիտաց
Որ յասպարեզ կապուտաներկ
Կայթեն հողմոյն ի սոյլ նուագաց:

Գնացէ՛ք, իմ տաղք, գնացէ՛ք առ կոյս,
Գնացէ՛ք մեղմով եւ պատկառոտ,
Ծաւի աչաց նորա ի լոյս
Զուարթացէ՛ք անձկակարոտ:

Եւ թէ անոյշ ձեզ ակնարկեաց,
Իբրեւ զերամ թռչնոց, հուշիկ
Դուք թառեցէ՛ք իւր խոպոպեաց
Վերայ, թեւոց եւ յուս փափկիկ:

Եւ երգս աղու յորինելով՝
Յունկըն նորա ճռուողեցէ՛ք,
Թէ՛ հարթըմնի, թէ՛ ըզքընով
Յար ըզնովա թեւածեցէք:

Իցի՜ւ, յորժամ ոչ եւս իմ ձայն
Հասցե առ նա, եւ կամ իմ շունչ,
Ու ի մոռացօնս անկայց համայն,
Գոնեա լըսէր ըզձեզ մրմունջ:


Մկրտիչ Պեշիկթաշլյան «Գնացէ´ք, իմ տաղք» Մկրտիչ Պեշիկթաշլյան «Գնացէ´ք, իմ տաղք» Reviewed by ՏԱՐԸՆԹԵՐՑՈՒՄ on 23:13:00 Rating: 5
Технологии Blogger.