Օնորե դը Բալզակ | Երեսնամյա կինը | համառոտ

Երիտասարդ Ժյուլին ծեր հոր հետ դիտում է նապոլեոնյան զորքի զորահանդեսը: Հայրը նկատում է, որ աղջիկը սիրահարված աչքերով նայում գնդապետ Վիկտոր դ'Էգելմոնին: Հայրը զգուշացնում է դստերը, որ գնդապետը անզգամ մեկն է: Այդուհանդերձ հետագայում չի արգելում դստերը ամուսնանալ այդ մարդու հետ: Ամուսնությունից հետո Ժյուլին կորցնում է ուրախությունը: Ջուլին ամուսնական կյանքում հենց սկզբից ապերջանիկ է։ Երիտասարդ Ջուլին Վիկտորի մեջ տեսնում էր ոչ թե իրական մարդուն, այլ իր հորինած կերպարը։ Ամուսնանալուց հետո ճանաչում է Վիկտորի իրական դեմքը։ Պատերազմից հետո Վիկտորը կնոջը տեղափոխում է Փարիզ: Հասարակության մեջ նրա ամուսինը խելացի մարդու համբավ ունի: Ջուլին ձևացնում է, թե դա այդպես է նաև իր համար: Ունենում է աղջիկ, որը երկու տարի իմաստ է հաղորդում նրա իմաստազուրկ կյանքին: Պարահանդեսներից մեկի ժամանակ մտերմանալով անգլիացի Արթուր Գրենվիլի հետ, սիրահարվում է նրան, սակայն հրաժարվում է մտերիմ կապ ունենալ ամուսնու կենդանության օրոք: Բացատրվում է նաև Վիկտորի հետ և նրանք ապրում են մեկ կտուրի տակ, սակայն առանձին: Երկար տատարումներից հետո որոշում է փախչել Գրենվիլի հետ, սակայն վերջինս հիվանդանում և մեռնում է:  Մի պարահանդեսի ժամանակ ծանոթանում է Շառլ դը Վանդենեսի հետ: Նրանք սիրահարվում են: Հեղինակը պատմում է, թե ինչպես Ելենան՝ Ժյուլիի յոթնամյա դուստրը հրում է հնգամյա փոքրիկ Շառլին և նրա մահվան պատճառ դառնում:

Մի քանի տարի անց Ելենան փախչում է իրենց տանը հայտնված խորհրդավոր մի մարդու հետ, որին փնտրում էր ոստիկանությունը: Եվս մի քանի տարի անց Վիկտորը Ամերիկա կատարած այցելությունից վերադառնալու ճանապարհին գերի է ընկնում ծովահենների ձեռքը: Ծովահենների առաջնորդը Ելենային փախցրած անծանոթն է: Նրանք ունեն չորս երեխա և երջանիկ են: Մարկիզին մեծ գումար տալով Գոմեսը՝ Ելենայի ամուսինը, վերադարձնում է նրան Ֆրանսիա:

Տարիներ անց, արդեն ամուսնու մահից հետո Ժյուլին իր երես առած կրտսեր աղջկա Մոինայի հետ մեկնում է Պիրենեյան թերակղզի, որտեղ գտնում է Ելենային, որի երեխաներից միայն մեկն է ողջ մնացել:

Ինքը Ժյուլին նույնպես կորցնում է իր երեխաներին՝ Գյուստավին, Աբելին… Մնում է միայն Մոինան, որը մի օր հայտնում է մորը իր կապի մասին Ալֆրեդ դը Վանդենեսի հետ: Ժյուլին փորձում է ետ պահել աղջկան այդ սխալից, բայց Մոինան լուրջ չի ընդունում մոր խոսքը: Ժյուլին հեռանում է այգի և մեռնում է այնտեղ:

Տես նաև Գոբսեկ, Շագրենի կաշին, Էժենի Գրանդե և Հայր Գորիո